સરકાર ઓર્ગેનિક ખેતી અને તેલીબિયાં ઉત્પાદનને આપશે પ્રોત્સાહન, રાજ્યોમાં કૃષિ યુનિવર્સિટીઓ ખોલવામાં આવશે

 

નાણામંત્રી નિર્મલા સીતારમણ કેન્દ્રીય બજેટ 2022 રજૂ કરી કરતી વખતે તેમણે કૃષિ ક્ષેત્ર (Agriculture Sector) પર વિશેષ ભાર આપવાની વાત કરી હતી અને સરકારની યોજનાઓ પણ રજૂ કરી હતી.

નાણામંત્રી નિર્મલા સીતારમણ કેન્દ્રીય બજેટ 2022 રજૂ કરી કરતી વખતે તેમણે કૃષિ ક્ષેત્ર (Agriculture Sector) પર વિશેષ ભાર આપવાની વાત કરી હતી અને સરકારની યોજનાઓ પણ રજૂ કરી હતી. તેમણે કહ્યું કે સરકારનો પ્રયાસ રસાયણ મુક્ત જૈવિક ખેતીને (Organic Farming) પ્રોત્સાહન આપવાનો છે. બજેટ ભાષણ વાંચતા, સીતારમણે કહ્યું કે સરકારનું ધ્યાન સ્થાનિક તેલીબિયાં ઉત્પાદનને પ્રોત્સાહન આપવા પર છે. તે જ સમયે, તેમણે જાહેરાત કરી કે રાજ્યોમાં વધુ કૃષિ યુનિવર્સિટીઓ ખોલવામાં આવશે.

સંસદમાં નાણાંકીય વર્ષ 2022-23નું બજેટ રજૂ કરતાં કેન્દ્રીય મંત્રીએ કહ્યું કે કેમિકલ મુક્ત જૈવિક ખેતીને પ્રોત્સાહન આપવામાં આવશે. સરકારનો ભાર ઝીરો બજેટ કુદરતી ખેતી પર પણ છે. વાસ્તવમાં, હરિયાળી ક્રાંતિથી, ઉત્પાદન વધારવા માટે કૃષિ ક્ષેત્રમાં વધુ પડતા રાસાયણિક ખાતરોનો ઉપયોગ કરવામાં આવી રહ્યો છે. તેનાથી માનવ સ્વાસ્થ્ય તેમજ જમીનની ફળદ્રુપતા પર અસર પડી રહી છે. આ જ કારણ છે કે સરકાર ઇકો-ફ્રેન્ડલી ઓર્ગેનિક અને પ્રાકૃતિક ખેતીને પ્રોત્સાહિત કરી રહી છે.

સરકાર તેલીબિયાંની ખેતીને પ્રોત્સાહિત કરશે – નિર્મલા સીતારમણ

ભારત તેની ખાદ્યતેલની જરૂરિયાતોને પહોંચી વળવા આયાત પર નિર્ભર છે. 60% ખાદ્ય તેલ આયાત કરવામાં આવે છે. તેનાથી સરકારની તિજોરી પર અસર થાય છે. તેને ધ્યાનમાં રાખીને નાણામંત્રી નિર્મલા સીતારમણે કહ્યું કે ખેડૂતોને તેલીબિયાં ઉગાડવા માટે પ્રોત્સાહિત કરવામાં આવશે. પામ ઓઈલ માટેનું એક મિશન ગયા વર્ષે જ શરૂ થયું છે.

તેમણે કહ્યું કે કૃષિ યુનિવર્સિટીઓમાં પ્રાકૃતિક ખેતી, ઝીરો બજેટ ફાર્મિંગ અને ઓર્ગેનિક ફાર્મિંગ અનુસાર સંશોધન કરવામાં આવશે. તે જ સમયે, તેમણે કહ્યું કે રાજ્યોમાં કૃષિ યુનિવર્સિટીઓ ખોલવામાં આવશે જેથી કરીને ખેડૂતોને કૃષિ ક્ષેત્રમાં થઈ રહેલા ફેરફારોથી વાકેફ કરી શકાય. નિર્મલા સીતારમણે કહ્યું કે સરકાર કૃષિ ક્ષેત્રને મદદ કરવા માટે નવી તકનીકો પર પણ ધ્યાન કેન્દ્રિત કરી રહી છે.

ટેકનોલોજી કૃષિ ક્ષેત્રને મદદ કરશે

નાણામંત્રીએ કહ્યું કે કૃષિ ક્ષેત્રને IT આધારિત સમર્થન આપવાનું કામ ચાલી રહ્યું છે. કૃષિ સ્ટાર્ટઅપ્સને સરકાર તરફથી નાણાકીય મદદ પણ આપવામાં આવશે. નવા પરિવર્તનને સાકાર કરવામાં એગ્રીકલ્ચર સ્ટાર્ટઅપ્સ અને આઈટી સેક્ટર મોટી ભૂમિકા ભજવી શકે છે. આ સાથે તેમણે સોલાર પ્રોજેક્ટ માટે વધારાનું ફંડ આપવાની વાત પણ કરી હતી. સરકાર છેલ્લા કેટલાક સમયથી ખેતીમાં સૌર ઉર્જાનો ઉપયોગ વધારી રહી છે.

કોરોના મહામારી દરમિયાન જ્યારે તમામ ક્ષેત્રોમાં દુર્દશા હતી, ત્યારે માત્ર કૃષિ ક્ષેત્રમાં જ 3.4 ટકાનો વિકાસ નોંધાયો હતો. સોમવારે રજૂ કરાયેલા આર્થિક સર્વેમાં એવી આશા વ્યક્ત કરવામાં આવી છે કે નાણાકીય વર્ષ 2021-22માં કૃષિ ક્ષેત્ર 3.9 ટકાના દરે વૃદ્ધિ પામશે.

વધુ વિગતો માટે: અહીં ક્લિક કરો