રાજ્યમાં વધતા જતા કોરોનાના કેસો વચ્ચે આરોગ્યપ્રધાન ઋષિકેશ પટેલે કરી મહત્વની જાહેરાત

 

રાજ્યની તમામ સરકારી કચેરીઓમાં ડબલ ડોઝ લીધેલા લોકો જ અધિકારી અને કચેરીની મુલાકાત લઇ શકશે.

રાજ્યની તમામ સરકારી, અર્ધ સરકારી કચેરીઓમાં તથા ઉપક્રમોમાં પ્રવેશ માટે પણ કોવિડ રસીકરણ અંગેનું પ્રમાણપત્ર ફરજિયાત કરાયું છે.

રાજ્યમાં વધતા જતા કોરોનાના કેસો વચ્ચે રાજ્યના આરોગ્યપ્રધાન ઋષિકેશ પટેલે મહત્વની જાહેરાત કરી છે. ગાંધીનગરમાં સચિવાલય અને સ્વર્ણીમ સંકુલમાં મુલાકાતીઓ માટે કોરોના રસીના બે ડોઝનું રસી સર્ટીફિકેટ ફરજિયાત કરવામાં આવ્યું છે. સચિવાલય, સ્વર્ણિમ સંકુલમાં મુલાકાતીઓના પ્રવેશપત્ર ત્યારે જ બનશે જો વેક્સિનના બે ડોઝ લીધા હશે. 1 જાન્યુઆરીથી નિયમો અમલી બનાવાશે. આ ઉપરાંત રાજ્યની તમામ સરકારી, અર્ધ સરકારી કચેરીઓમાં તથા ઉપક્રમોમાં પ્રવેશ માટે પણ કોવિડ રસીકરણ અંગેનું પ્રમાણપત્ર ફરજિયાત કરાયું છે.

આરોગ્યપ્રધાન ઋષિકેશ પટેલે કહ્યું કે રાજ્યની કોઈપણ સરકારી કચેરીમાં જો કોઈ મુલાકાતી મુલાકાત લેવા માંગતા હોય તો તેમના માટે કોરોના રસીના બંને ડોઝ ફરજિયાત છે. પત્રકારોને સંબોધતા તેમણે કહ્યું કે સચિવાલયમાં આવો ત્યારે બંને ડોઝનું રસીકરણ પ્રમાણપત્ર સાથે હોવું જરૂરી છે. રાજ્યની તમામ સરકારી કચેરીઓમાં ડબલ ડોઝ લીધેલા લોકો જ અધિકારી અને કચેરીની મુલાકાત લઇ શકશે.

ઉલ્લેખનીય છે કે રાજ્યમાં કોરોના વાયરસના નવા કેસો તેમજ ઓમિક્રોન વેરીએન્ટના કેસો વધી રહ્યાં છે. રાજ્યમાં 24 ડિસેમ્બરે કોરોના વાયરસના નવા 98 કેસ નોધાયા હતા, જયારે આજે છઠ્ઠા દિવસે 31 ડિસેમ્બરે 654 નોંધાયા છે. એટલે કે માત્ર 5 દિવસમાં 6 ગણા કેસો વધ્યા છે. નવા કેસ વધવાની સાથે એક્ટીવ કેસમાં પણ વધારો થયો છે. ગઈકાલે રાજ્યમાં કોરોના વાયરસના એક્ટીવ કેસ 2371 હતા, જે આજે વધીને 2962 થયા છે. આ સાથે જ રાજ્યમાં આજે ઓમિક્રોનના નવા 16 કેસો આવવાની સાથે ઓમિક્રોનના કુલ કેસની સંખ્યા 113 થઇ છે.

વધુ વિગતો માટે: અહીં ક્લિક કરો